Ylli i “Keeping Up With The Kardashians”, Kim Kardashian, mendon se pezullimi nga “Instagram”-i i ish-bashkëshortit të saj, Kanye West, këtë javë ka qenë një vendim i duhur.
Kim, e cila u shpall zyrtarisht beqare në fillim të këtij muaji, e ka trajtuar këtë situatë me të qeshur dhe nuk ka reaguar në mënyrë “dramatike”.
“Kim e konsideroi të drejtë pezullimin, por reagimi i saj nuk ishte shumë dramatik. Ajo nuk e ekzagjeroi situatën dhe bëri shaka se i duhej një pushim për një ditë”, tha një burim për “People”.
Ata e quajtën ‘mbresëlënëse’ mënyrën se si Kim Kardashian po e përballonte kaq mirë këtë çështje.
“Është shumë mbresëlënëse se sa e qetë është duke qëndruar. Ajo është shumë e lumtur me të dashurin e ri Pete Davidson. Fëmijët e saj janë mirë”, tha burimi, duke shtuar se po përpiqej të qëndronte e fokusuar në të gjitha gjërat pozitive në jetën e saj.
Rikujtojmë se artisti Kanye West ishte pezulluar nga “Instagram”-i për 24 orë pasi ka shkelur politikën e platformës për gjuhën e urrejtjes, dhe ngacmimin.
Pezullimi ishte si pasojë të postimit të Ye, ku ai drejtoi sharje raciste ndaj Trevor Noah.
Artisti i “Donda” gjithashtu publikoi disa postime duke sulmuar Pete Davidson dhe D.L. Hughley. Kështu, Ye nuk u lejua të bëjë më asnjë postim, koment ose të dërgojë mesazhe të drejtpërdrejta gjatë kohëzgjatjes së pezullimit të tij.
