Çifti i njohur i showbiz-it të huaj, Ashton Kutcher dhe Mila Kunis ia kanë arritur objektivit të tyre dhe kanë grumbulluar mbi 30 milionë dollar apo 27 milionë euro për të ndihmuar shtetasit ukrainas.
Lajmi u bë i ditur me anë të një postimi që Kutcher dhe Kunis shpërndan në Instagram, ku jo vetëm dhanë lajmin e mirë por gjithashtu zbuluan se e kanë ngritur qëllimin për mbledhjen e fondeve në 40 milionë dollarë.
“Puna jonë nuk ka përfunduar. Ne do të bëjmë gjithçka që mundemi për të siguruar e për të pasur ndikim tek ata në nevojë. Fondet tashmë janë dhe do të vazhdojnë të dorëzohen në ‘Flexport.org’ dhe ‘Airbnb.org’, kështu që ata mund të veprojnë. Derisa fondet vazhdojnë të vijnë, ne do ta trajtojmë çdo dollar sikur të ishte dhuruar nga xhepi ynë në mënyrë që të ketë rezultate pozitive për të tjerët”.
“Puna jonë nuk është kryer, prandaj po e ngremë objektivin në 40 milionë dollarë”, shtoi Kutcher.
Në fund të videos, Kunis gjithashtu ka inkurajuar njerëzit që të vazhdojnë të dhurojnë për Ukrainën.
View this post on Instagram
Rikujtojmë se çifti ka nisur me mbledhjen e fondeve dy javë më parë.
Mila duhet theksuar se ka lindur në Ukrainë dhe më vonë është zhvendosur në Amerikë.
