Këngëtari i famshëm Maluma do të vijë në Shqipëri në datën 14 mars për të perfomuar në koncert në sheshin “Nënë Tereza” në kryeqytet.
Ndërkohë, ditën e sotme në “Shqipëria Live” Uarda Koci tregoi si u bind Maluma të vinte në Shqipëri më 14 mars.
Ajo tha se kur kishin komunikuar me stafin e këngëtarit, ata nuk e njihnin Tiranën dhe orentimin e bënë me shtetet fqinje.
Kompania organizatore ka ka arritur të bindë artistin duke iu referuar projekteve të suksesshme që kanë patur.
“Shqipëria është futur për herë të parë në një tur të një artisti me famë botërore”, shtoi Uarda, duke e konsideruar këtë si një eksperiencë shumë të bukur.
Koncerti ishte parashikuar të bëhej në 14 mars të vitit 2020 por u shty për shkak të pandemisë.
Maluma është i famshëm në të gjithë botën dhe këngët e tij janë ndër më të pëlqyerat.
Ai ka disa bashkëpunime me yje botërorë si, Shakira, Jason Derulo, Ricky Martin apo Madonna.
Këngët e tij numërojnë mijëra klikime në Youtube dhe vajzat (por edhe djemtë), çmenden pas muzikës së tij.
I lindur dhe i rritur në Medellín, ai krijoi një interes për muzikën në një moshë të re dhe filloi të regjistronte këngë në moshën 16 vjeçare. Ai publikoi albumin e tij debutues, “Magia”, një vit më vonë në 2012. Megjithatë, albumi i tij kryesor ishte “Pretty Boy” i 2015-ës , Dirty Boy, gjë që çoi në bashkëpunime të suksesshme me disa artistë.
Maluma ka një numër këngësh që janë renditur në top 10 në Billboard Hot Latin Songs, duke përfshirë “Felices los 4”, “Borró Cassette” dhe “Corazón.
