Teksa kanë kaluar 13 ditë nga bombardimet ruse në Ukrainë, shumë njerëz e figura të njohura në publik kanë shprehur mbështetjet e tyre nëpërmjet solidarizimeve dhe rritjes së ndërgjegjësimeve në rrjete sociale.
Ndërkohë, shumë të tjerë kanë dhënë ndihmën e tyre duke luftuar krahë ushtarëve ukrainas.
Deri më tani publikisht janë vetëm dy shqiptarë që kanë deklaruar se do t’i bashkohen luftës së Ukrainës kundër Rusisë dhe njëri prej tyre është vëllai i këngëtares së mirënjohur Shyhrete Behluli.
Sipas mediave të Kosovës bëhet djalë për Maliq Behlulin, i cili raportohet të jetë nisur drejt Ukrainës tashmë.
Ndërkohë, edhe yjet ndërkombtar kanë kontribuar. Njëri prej tyre është edhe aktori i famshëm, Leonardo DiCaprio. Ai ka dhuruar 10 milionë dollarë – dhe kjo nuk është vetëm sepse ai është një filantrop.
Ylli 47-vjeçar ka rrënjë ukrainase – gjyshja e tij, Helena, ka lindur në Odessa në jug të Ukrainës, nga ku u transferua në Gjermani në vitin 1917.
Leonardo, i rritur nga nëna e tij, Irmelin dhe gjyshja, u shoqërua nga të dyja në premierat e filmave të tij si “Titanic” dhe “The Man In The Iron Mask”.
Donacioni prej 10 milionë dollarësh i Leonardo DiCaprio për Ukrainën u zbulua nga “Fondi Ndërkombëtar i Vishegradit”, i cili promovon zhvillimin në Evropën Lindore.
