Numbeo ka kryer së fundmi një studim lidhur me cilësinë e jetesës duke marrë në konsideratë rreth 255 qytete në të gjithë botën.
Ndërkohë vihet re se qyteti i Tiranës pozicionohet ndër vendet e fundit në botë, duke u cilësuar kështu si kryeqyteti me nivelin më të ulët të jetesës në Europë.
Shkaqet e kësaj renditjeje janë disa sipas Numbeo ,duke nisur nga çmimet shumë të larta në raport me të ardhurat e ulëta, ndotja, fuqia e ulët blerëse, sistemi i pafavorshëm i kujdesit shëndetësor etj.
Tirana vitin e mëparshëm pozicionohej në vendin e 222. Siç duket cilësia e jetesës në kryeqytet po vjen duke u përkeqësuar duke e pozicionuar atë në vendin e 229 për këtë vit.
Nga kryeqytetet e tjera të rajonit, Sarajeva e Bosnjë Hercegovinës renditet në vendin e 188, duke pasur pozicionimin më të mirë në Ballkan. Beogradi i Serbisë renditet në vendin e 206 dhe Shkupi i Maqedonisë së Veriut në pozicionin e 216.
Ndërsa vihet re që Kosova dhe Mali i Zi mungojnë në këtë renditje.
Sipas shpjegimit të metodologjisë nga Numbeo, Indeksi i Cilësisë së Jetesës (sa më i lartë aq më mirë) është një vlerësim i cilësisë së përgjithshme të të jetuarit, që përdor një formulë empirike që merr në konsideratë treguesit e mëposhtëm:
-Indeksi i fuqisë blerëse (sa më i lartë aq më mirë është). Tirana është në vendin e 122, ndër të fundit në Europë)
-Indeksi i ndotjes (më i ulët është më mirë) – Kryeqyteti shqiptare është në vendin e 243, imë e ndotura në Europë dhe ndër të fundit në botë nga 255 gjithsej. Raporti i çmimeve të shtëpisë ndaj të ardhurave (sa më i ulët aq më mirë është). Tirana është në vendin e 207, ndër qytetet më të shtrenjta në Europë për të blerë një shtëpi në raport me të ardhurat)
-Indeksi i kostos së jetesës, (më i ulët është më mirë). Këtu kryeqyteti renditet pak më mirë, në vendin e 67, ku renditja fillon nga më i liri.
-Indeksi i sigurisë (më i lartë është më mirë). Kryeqyteti shqiptar renditet në vendin e 129, një pozicion i moderuar.
-Indeksi i Kujdesit Shëndetësor (më i lartë është më mirë). Tirana është në vendin e 245, e fundit në Europë dhe ndër 11 të fundit në botë.
-Indeksi i kohës së qëndrimit në trafik (më i ulët është më mirë). Këtu Tirana renditet nga fundit në vendin e 182).
-Indeksi i Klimës (më i lartë është më mirë), ku kryeqyteti renditet në vendin e 86, me një klimë relativisht të përshtatshme).
Në Europë, qyteti më i mirë për të jetuar është Zyrihu në Zvicër, i ndjekur nga qytete të tjera po në Zvicër, si Baseli, Gjeneva. Më pas renditen Eindhoven në Holandë, Kopenhagën në Danimarkë.
Qytetet me cilësinë më të mirë të jetës në botë janë Raleigh, NC, United States; Canberra, Australia; Adelaide, Australia.
Qytetet me cilësinë më të keqe për të jetuar në botë janë Dhaka, Bangladesh; Lagos, Nigeria; Tehran, Iran; Manila, Philippines.
