Ushtria ukrainase ka rënë dakord për një armëpushim 12-orësh me Rusinë të mërkurën për të lejuar civilët të arratisen përmes korridoreve humanitare, tha zëvendës kryeministrja e Ukrainës, Iryna Vereshchuk.
Ajo gjithashtu shtoi se armëpushimi do të nisë nga ora 9 e mëngjesit dhe do të zgjasë deri në 9 të darkës, sipas kohës lokale.
Zëvendës kryeministrja e Ukrainës theksoi se kryeministri Denys Shmygal ka pranuar rrugët e propozuara nga Rusia për korridore humanitare dhe se për këtë do të bisedojë edhe me Komitetin Ndërkombëtar të Kryqit të Kuq.
Sipas saj, korridoret humanitare me anë të të cilëve do të lëvizin ukrainasit janë:
Energodar-Zaporizhia
Sumy-Poltava
Mariupol-Zaporizhia
Volnovakha-Pokrovsk
Izium-Lozova
Vorzel, Bucha, Irpin, Borodyanka, Gostomel-Kiev
Vereshchuk theksoi dy rrugë në veçanti – evakuimin e civilëve nga qyteti port i Mariupol dhe qyteti lindor i Volnovakha, të cilat të dyja janë rrethuar nga forcat ruse për disa ditë.
Kujtojmë se Shtetet e Bashkuara kanë refuzuar një ofertë të Polonisë për të transferuar aeroplanët luftarakë MiG-29, të prodhuar nga Rusia, në bazën amerikane në Gjermani, si mënyrë për të forcuar forcën ajrore të Ukrainës, teksa përballet me pushtimin rus.
Vendet perëndimore po synojnë eksportet e naftës të Rusisë ndërsa pushtimi i Ukrainës nga presidenti Vladimir Putin – i cili ka detyruar të paktën 2 milionë refugjatë të largohen nga vendi hyn në ditën e 14-të.
