Aaron Rodgers dhe Shailene Woodley po vazhdojnë të kalojnë kohë së bashku, pavarësisht se e kanë anuluar fejesën.
Një burim për ET tha se dyshja u panë duke marrë pjesë në një dasmë në plazhin Rosewood Miramar në Montecito, Kaliforni të shtunën.
Burimi i tha ET gjithashtu se Woodley e “përkëdheli me dashuri” Rodgers-in nga mbrapa shpatullave.
“Gjatë orës së koktejit ajo e përkëdheli me dashuri ndërsa ishte ulur dhe ai po qëndronte pranë saj dhe e vendosi dorën rreth qafës së saj,” i tha një dëshmitar okular ET, për Rodgers dhe Woodley. “Rrugës, dyshja po ecnin krah për krah ndërsa po shkonin drejt sallës së kërcimit.”
Dyshja është parë gjithashtu edhe duke bërë blerje në dyqanin ushqimor të zonës së Los Anxhelosit.
Një burim i tha ET në atë kohë, se Rodgers po e bën Woodley-n “një prioritet”.
“Shailene dhe Aaron u ndanë pasi të dy kaluan shumë kohë larg njëri-tjetrit”, tha burimi. “Aaron i kishte thënë Shailene se do të bënte më shumë përpjekje në marrëdhënie dhe do ta bënte atë një prioritet. Të dy kanë kaluar më shumë kohë së bashku kohët e fundit dhe do të shohin se çfarë do të sjellë e ardhmja.“
Mbrojtësi 38-vjeçar i “Green Bay Packers” dhe aktorja 30-vjeçare e ndërprenë fejesën e tyre muajin e kaluar, vetëm një vit pasi njoftuan se do të martoheshin. Një burim i tha ET se megjithëse të dy i anuluan gjërat, ata ishin ende miq dhe planifikojnë të mbeten të tillë.
