Ish-banorja e “Big Brother 4”, Mirjeta Bajramaj, ka komentuar ditën e sotme marrëdhënien e këngëtares Beatrix Ramosaj dhe aktorit Donald Veshaj, e cila u formua brenda shtëpisë më të famshme në Shqipëri.
Gjatë një interviste për “Shqipëria Live” ajo u shpreh se ajo që ndodhi mes tyre është diçka shumë e rëndë.
Sipas saj, duke e ditur se si ishte situata jashtë me Borën, ajo çka Beatrix bëri ishte veprim shumë i gabuar.
“Edhe unë që jam një person mendje hapur, më është dukur diçka e rëndë ajo lidhje që ndodhi aty brenda. Beatrix-i u mundua shumë. Tani është e vështirë me e shpjeguar, sepse kur hynë aty bie këmbë e krye brenda. Shumicat e sinjaleve ishin nga Beatrix. Duke e ditur edhe se si ishte situata jashtë, ishte një veprim shumë i gabuar ndaj saj. Unë nuk e gjykoj. Mund të biesh në dashuri nga të gjitha aspektet. Ajo e dinte që Bora po e priste dhe femër si femër, mendoj që duhet ta kishte menduar pak. Qysh në fillim ajo hyri me atë ndjenjën.”, u shpreh ish-banorja e “Big Brother”.
Mirjeta gjithashtu shprehet se ajo nuk do ta bënte kurrë diçka të tillë.
“Unë nuk do ta bëja kurrë atë gjë. Sidomos po ta dija që një lidhje ishte në përfundim, por prapë ishin shpresat. Besoj se ishte e qartë që do ndaheshin. Ajo e dinte se çfarë do ndodhte. Unë mendova se mund të kishte shkuar deri muajin dy, por jo. Qysh brenda e ka ndjerë që e ka bërë një gabim.”, tha ajo.
