Të famshmit shqiptarë së fundmi kanë ndarë postime të ndryshme rreth ngjarjes Rusi-Ukrainë.
Oriola Marashi, Klea Huta, Enca Haxhia, Ana Kabashi, Emina Çunmulaj, Anxhelina Hadërgjonaj, Vjosa Berisha, janë vetëm disa prej figurave publike që reaguan për sulmet ruse në Ukrainë.
Ata shprehin keqardhjen e tyre duke u lutur gjithashtu për sigurinë e njerëzve të atij vendi.
“Mendimet dhe lutjet e mia shkojnë për të gjithë njerëzit në Ukrainë, duke shpresuar që ata të jenë të sigurt. Zoti i ruajt të gjithë.”, ka shkruar Oriola Marashi.
“Ja çdo të thotë hall o milet. Ja çdo të thotë të braktisësh shtëpinë. Ja çdo të thotë të braktisësh jastëkun tënd, jetën, punën, njerëzit. Ja çdo të thotë të të vjedhin, gjumin, jetën, dashurinë. Ja çdo të thotë të dish që pas 1 sek mund të mos jetosh më. Dhe kur? Në 2022. Vazhdoj të mendoj për çdo gjë që po ndodh që është e pabesueshme Dhe e kam menduar që diçka e madhe do ndodhe me këtë botë që mbart njerëz kaq të këqinj e lakmitar. Te keqinj prej vërteti”, u shpreh Klea Huta.
“Jam zgjuar me lajme të trishta. Zemra ime është me popullin ukrainas. Bota ka lënë të ndodh një luftë sërish, para të gjithëve.”, shkruan Emina
“Mendimet dhe lutjet e mia shkojnë për të gjithë njerëzit në Ukrainë”. shkruan Anxhelina.
Ministri i Jashtëm i Ukrainës, Dmytro Kuleba, tha mëngjesin e sotëm se Rusia ka nisur pushtimin e vendit të tij.
Në një postim në Twitter, Kuleba shkroi se presidenti rus, Vladimir Putin, ka nisur “pushtimin e Ukrainës në shkallë të plotë”. Ai tha se Ukraina do ta mbrojë veten dhe se “bota mund dhe duhet ta ndalë Putinin”.
Banorët në Kiev këtë mëngjes po furnizonin makinat me benzinë dhe po përpiqeshin të largohen nga qyteti, vetëm disa orë pasi presidentieus Vladimir Putin hyri me tanke mbi bjellorusi.
Sipas Daily Mail, realiteti i luftës u shfaq sot për shumë banorë ukrainas, të cilët nuk e besonin se Putini do të hapte luftë në të vërtetë. Shumë prej tyre tani po nxitojnë drejt kufirit perëndimor për t’i shpëtuar tankeve në hyrje.
Fëmijët janë ata që po e përjetojnë më keq këtë situatë të rëndë, ndërsa prindërit po përpiqen t’i qetësojnë me çdo kusht.
