Jim Carrey po akuzohet se i ka siguruar substanca të palejuara të dashurës së tij Cathriona White, e cila u gjet e pajetë si pasojë e një mbidoze vitin e kaluar.
Ylli i filmave komikë, dyshohet se ka përdorur emër të rremë për t’i siguruar asaj këto ilaçe. Mark Burton, ish-burri i White, ka deklaruar se aktori ka shfrytëzuar famën dhe pasurinë e tij për të siguruar ato substanca.
Sipas palës paditëse Jim Carrey madje është përpjekur të fshehë përfshirjen e tij në këtë çështje. BBC raporton se Jim Carrey nuk ka dhënë asnjë koment ende rreth kësaj çështje. Por sipas raportimeve të kohës, Carrey dhe White ishin ndarë pak ditë para se kjo e fundit të gjendej e pajetë.
Burimi: BBC
