Bashkëshortja e Ilirit, Emanuela, ka folur rreth miqësive që balerini formoi brenda shtëpisë më të famshme në Shqipëri.
Gjatë intervistës për “Breaking”, ajo u shpreh se Monika e ka zhgënjyer më shumë nga të gjithë banorët.
“Ndoshta prisja ndryshe nga Monika kishin një marrëdhënie të afërt, gazmore me lojra dhe shaka, ajo më ka zhgënjyer. Të tjerët jo, nuk e di por ajo do thosha”, deklaroi Emanuela.
Pavarësisht përplasjeve që kanë pasur në “Big Brother VIP”, Emanuela përmendi edhe emrin e Einxhelit mes banorëve që i sheh si miq të Ilirit.
“Sigurisht Sabiani, Arjola, Paloma, Meridiani, Arbri. Dhe Einxhel sepse është vajzë shumë e mirë, mund të ndodhë që në një situatë të vështirë thuhen disa gjera por nuk i mbaj mëri, çdo kush ka bërë rrugëtimin e saj.”, tha ajo në Breaking.
Emanuela foli dhe për planet e të ardhmes, ndërsa tregoi se do i pëlqente shumë të jetonte në Shqipëri.
“Unë e dua Tiranën, Shqipërinë, vendet, detin, natyrën, njerëzit janë fantastikë, kuzhinën, nuk e kam problem të jetoj në Tiranë. Por nuk kemi ende një projekt të sigurt sepse gjithçka ndodhi shumë shpejt”, tha aktorja.
Emnuela tregoi se ka marrë shumë mbështetje si nga Shqipëria dhe nga Kosova, duke i falënderuar të gjithë ata që kanë votuar për Ilirin, duke bërë të mundur që ai të fitonte.
