Balerini Ilir Shaqiri fiku mbrëmë i fundit dritat e shtëpisë më të famshme në Shqipëri, duke rrëmbyer çmimin e madh prej 100 mijë eurosh.
Gara përfundoi me emocione të bukura e festë në studio, ndërsa më vonë të gjithë ish-banorët dhe produksioni u futën dhe njëherë në shtëpinë e “BB VIP” për të kaluar momente të bukura me njëri-tjetrin.
Teksa publiku u nda në dy pjesë, ata që bënin tifo për Ilirin dhe ata për Donadin, ish-konkurrentët në studio i treguan që para fitores emrat e tyre.
Sabiani ishte një ndër personat i cili që në fillimin e rrugëtimit të tij mbështeti Ilirin, të cilin tashmë e quan vëlla dhe e ka pritur me krahë hapur pas daljes.
Së bashku me bashkëshorten e Ilirit dhe disa miq të tjerë, ata janë mbledhur për të ngrënë fare thjeshtë pas një mbrëmjeje magjike.
“Bukë, djathë, krypë e zemër”- është shprehur Iliri në videon e publikuar nga Sabiani, ku shihen të lodhur nga nata e gjatë por gjithashtu të emocionuar pafund.
View this post on Instagram
Djemtë janë shprehur më herët se miqësia e tyre do të vazhdojë edhe pas përfundimit të formatit, pasi tashmë e konsiderojnë njëri-tjetrin një familje.
