Monika Lubonja ishte banorja më pranë finales së “Big Brother VIP Albania”, duke u eleminuar në “PRIME”-n e fundit në televotimin midis saj, Donaldit, Arjolës dhe Einxhel.
Pas daljes së saj nga shtëpia, Monika ka rrëfyer se si e ka përjetuar këtë javë pas më shumë së 4 muajsh izolim.
E ftuar në emisionin “Shqipëria Live”, ajo u shpreh se kur pa Tean, shpërtheu në lot pasi mendoi se nënës së saj mund t’i kishte ndodhur ndonjë gjë dhe ishte e shqetësuar për shëndetin e saj.
“Ajo më puthi aq shumë se e kishte marrë malli shumë, i kishte munguar pjesa ime. Por kur u ul në një moment që më shihte thoshte ‘Më raftë pika sa je dobësuar, po nuk ke ngrënë fare”. Në një moment që jam prekur është se ishte gjithë mall dhe thoshte ‘Edhe të të shaja nuk kisha mundësi’.
Ditën e parë që dola, unë ndejta tek mikesha ime se dhe unë nuk isha shumë e përgatitur. Kam qarë, por jo se dola se isha e bindur për këtë.
Unë pashë vajzën, Tean mendova se ka ndodhur ndonjë gjë. Ti nuk e di se çfarë ke bërë dhe ndonjëherë janë disa shprehje duarsh apo që të kesh folur ndonjë fjalë, si mund të ishte mamaja, mos i kishte ndodhur gjë asaj përderisa Tea kishte ardhur. Ishte emocion i madh dhe dalja nga shtëpia se u bë pjesë e jetës tonë. Sado, kur ti del dhe merr rrugën drejt derës, e ndjen se do kesh mall për tu futur përsëri”, tha Monika.
