Në koncertin e saj të parë të turneut “The Energy Tour”, këngëtarja me famë ndërkombëtare Era Istrefi, ka ndezur Sofjen e Bullgarisë.
Era e cila është bërë e njohur me hitin “BonBon”, performoi mbrëmë live në Sofje të Bullgarisë.
“Fillimi i një epoke të re në historinë e turneut! A jeni gati për të dëgjuar një megahit në mbarë botën?”, kanë shkruar në faqen e Coca-Cola Happy Energy Tour.
Bukuroshja shqiptare ishte veshur në të zeza me një dekolte mjaft tërheqëse dhe një varëse choker me gurë të çmuar që shndrisnin.
“The Energy Tour” është koncerti i parë që Era dha në Bullgari ndërsa presim me padurim të mësojmë se ku do të zhvillohet i radhës.
