Një ish-pilot, 82-vjeçar i quajtur Ken Morgan, e ka suprizuar bashkëhsorten e tij me një dhuratë romatike.
Ai ka paguar 12 mijë paund për të blerë autobusin 2-katësh, ku ata u takuan për herë të parë. Sipas BBC, ish-piloti Ken Morgan u njoh me gruan e tij Shirley, e cila punonte konduktore në një autobus të rrugës Gloucester dhe Cardiff në vitin 1956.
Morgan e bleu automjetin në një muze autobusësh, ku mbahej si koleksion. Ai është shprehur se “autobusi i çonte pas në kohë, në ditët kur u takuan për herë të parë”.
Morgan, në atë kohë 22 vjeç, e takoi bashkëshorten e tij, 18 vjeç në udhëtimin 97 kilometër me autobus, përpara se ta ftonte atë në takim. Ai la forcat ajrore për t’u stërvitur si shofer autobusi dhe për të punuar pranë saj.
“Të punoja në një autobus me Shirley-n ishte momenti më i bukur i jetës sime. Kaluam kohë të bukura atëherë. E adhuroj Shilrey-n si në ditën e parë”, tha Morgan.
*Shfleto galerinë
