Ermal Fejzullahu është një nga artistët më të kërkuar në trojet shqiptare, të cilin me siguri të gjithë e mbani mend që me hitet “Për një dashuri” apo “E shkuar e harruar”.
Vitet e tij në skenë dhe talenti sigurisht që janë përkthyer në sukses dhe para, ndaj dhe blerjet e tij të shtrenjta janë të shpeshta.
Së fundmi, Ermali dhe familja e tij janë bërë me shtëpi të re, më saktë një vilë, e cila është ende në punim e sipër.
Vetë këngëtari ka ndarë në InstaStory pamje të ndërtesës nga jashtë, teksa bën me dije se ndodhet në një ndër zonat më të njohura të Prishtinës.
“Që nga mosha 14-vjeçare unë kam dal nga shtëpia duke këndu nëpër krejt botën, i kam 2100 fluturime dhe 18 pasaporta”- ka treguar Ermali më herët gjatë një interviste.
Më herët, ai rrëfeu një histori shumë qesharake, që i ka ndodhur gjatë një koncerti në Itali. Ai tregoi se ishte i ftuar në koncert bashkë me Sinan Hoxhën dhe në vend të pagesës “cash”, atyre të dyve iu ofruan drogë.
“Sa të duash raste… Isha njëherë me Sinan Hoxhën në një koncert në Itali dhe erdhi njëri dhe na tha ‘Sinan ta kam zbardhur fytyrën’. Ne nuk e morëm vesh… por ai nuk na dha lekët, ishte njëri prej tyre. Kur pamë në fund që e kishte mbushur atë… e dini ju me çfarë (kokainë)…”, rrëfeu Ermali duke qeshur.
