Egzona Rafuna është një nga banorët e reja të shtëpisë së “Big Brother VIP” , e cila u përfol gjatë për marrëdhënien e saj me Donaldin dhe për mënyrën se si partnerja e tij e kishte pritur.
Beatrix iu nënshtrua një misioni nga “Vëllai i Madh” ku duhet të dramatizonte një situatë, dhe ajo zgjodhi të egzagjëronte reagimin e saj ndaj shoqërisë së Egzonës me Donaldin, duke i thënë asaj që e ka qejf. Këngëtarja bëri akuza të forta kundër saj në lidhje me Donaldin, i cili më pas edhe ai u përfshi në misionin sekret.
Egzona nuk e ka pritur mirë këtë situatë dhe është ndjerë e ofenduar nga akuza e Beatrix, duke u shqetësuar për mënyrën se si kjo gjë është parë nga familja e saj.
Lidhur me këtë situatë mjaft të vështirë për moderatoren, ka reaguar vëllai i saj përmes një postimi në llogarinë e tij të “Instagram”. Ai ka postuar një fotografi me të motrën, ku bashkëngjitur me të shkruan:
“Bëhu e fortë motrushi jem”.
Rikujtojmë se në një bisedë, Egzona i tha Beatrix se nuk duhet të habitet nëse familja e saj nuk i flet ndërsa këngëtarja iu përgjigj se e ka hequr atë barrë në dhomën e rrëfimit.
