Tenisti Novak Djokovic tashmë ka arritur në Serbi, pasi u dëbua nga turneu i “Australian Open”, si rrjedhojë e mosrefuzimit nga ana e tij për t’u vaksinuar.
Megjithatë, problemet për tenistin kampion nuk kanë mbaruar me kaq, pasi Djokovic rrezikon që të mos marrë pjesë as në turneun “French Open”.
Novak është kthyer në vendin e tij në, ku dhjetëra tifozë, që valëvisnin flamuj të Serbisë, e pritën atë në aeroport në Beograd.
Tenisti ka refuzuar të vaksinohet duke theksuar se së fundmi ishte infektuar me Covid-19, ku, sipas tij, infektimi përbën përjashtim nga rregullat strikte të vaksinimit.
Në këtë mënyrë, autoritetet australiane, ia anuluan vizën, duke argumentuar se qëndrimi i tij në shtet do të ndikonte në mendimin publik kundër vaksinimit.
Turneu “Australia Open” nisi të hënën në Melburn, turne të cilin serbi e ka fituar nëntë herë. Ai shpresonte që edhe këtë vit të fitonte, me qëllim që të arrinte 21 trofe të “Grand Slam”, që do të nënkuptonte se do të bëhej tenisti me më së shumti trofe në histori.
Ndërkohë, deputeti i Parlamentit francez, Christophe Castaner ka thënë se sipas një ligji të ri, të gjithë personat e pavaksinuar nuk do të lejohen të marrin pjesë në salla sportive, restorante dhe në vendet e tjera publike dhe një masë e tillë do të aplikohet edhe ndaj sportistëve që duan të garojnë.
