Mbi një vit pas vdekjes së Bobbi Kristina Brown tashmë ka një përgjegjës. I dashuri i saj, Nick Gordon u shpall ligjërisht përgjegjës për vdekjen e 22-vjeçares, e cila ndërroi jetë në korrik të 2015-s.
Por, Gordon nuk u paraqit në seancën gjyqësore të mbajtur të premten për këtë çështje. Padia është ngritur nga të zotët e pronës ku qëndronte Bobbi Kristina dhe tashmë një juri do të vendosë për dëmin që ai do të duhet të paguajë, ndërsa paditësit kanë kërkuar një dëmshpërblim prej 50 milionë dollarësh.
Gjykatësi madje është shprehur për Gordon se. nuk i pëlqente që “njerëzit të kruajnë hundën në gjykatë”. Gjatë një interviste të mëparshme, Gordon ka pranuar se pas vdekjes së të ëmës Whitney Houston, 22-vjeçarja i ishte drejtuar drogës për të mposhtur dhembjen dhe në atë kohë edhe atij kjo i ishte dukur mënyra e vetme e ngushëllimit.
Bobbi Kristina u gjet pa ndjenja në një vaskë si pasojë e një overdoze dhe u nda nga jeta pak ditë më pas, në të njëjtën mënyrë tragjike si e ëma.
Burimi: Daily Mail
