Ylli i tenisit Novak Djokovic nuk mund të mbrojë titullin në Australia Open, pas të gjitha përpjekjeve të tij për të performuar i pavaksinuar.
Më herët, Novak Djokovic fitoi apelin, mori një vizë për të qëndruar në Australi dhe për të luajtur Grand Slam.
Mirëpo, Ministri i Emigracionit Alex Hawke përdori kompetencat e tij diskrecionale për të anuluar vizën e Djokoviçit të premten, katër ditë pasi qeveria federale ishte tërhequr për ta dërguar atë në shtëpi.
Sipas arsyetimit të Ministrit të Emigracionit, personi në fjalë përbën “një rrezik për shëndetin, sigurinë ose rendin publik të komunitetit australian”.
Deklarata e Hawke:
“Sot ushtrova fuqinë time sipas nenit 133C(3) të Aktit të Migracionit për të anuluar vizën e mbajtur nga z. Novak Djokovic. Në marrjen e këtij vendimi, kam shqyrtuar me kujdes informacionin e dhënë nga Departamenti i Punëve të Brendshme, Policia Kufitare Australiane dhe Z. Djokovic. Qeveria është e vendosur fort për të mbrojtur kufijtë e Australisë, veçanërisht në lidhje me pandeminë Covid-19.”
Kështu, tenisti serb nuk do të mund të hyjë në Australi për tre vjet: ai do të ndalohet zyrtarisht si një “person i padëshiruar”, një status që do ta shkëpusë atë edhe nga edicionet e ardhshme të Slam.
