Motra e Britney Spears, Jamie, ka folur gjerë e gjatë së fundmi në një intervistë për “Good Morning America”, për gjithçka ka ndodhur me këngëtaren dhe marrëdhënien e tyre tashmë që kujdestaria mori fund.
Për 13 vite, Britney ishte në kontrollin e plotë të babait të saj dhe gjatë intervistës, Jamie është shprehur se Britney nuk ishte në gjendje të mbante në kontroll veten e saj.
Jamie është shprehur se e donte shumë motrën e saj, e kishte ndihmuar dhe kishte bërë ç’është e drejtë për të.
Në një status të gjatë në Twitter, Britney ka reaguar pas kësaj interviste duke akuzuar Jamie-n se ka gënjyer në vitin 2008 për gjendjen mendore të Britney-t, vetëm për të shitur shkrimet e saj “Things I should have said”.
Këngëtarja ka treguar se e ka parë intervistën e të motrës teksa ishte e sëmurë dhe me temperaturë, ndaj kjo ishte diçka e mirë për të mos i kushtuar rëndësinë maksimale fjalëve të Jamie-t, pasi po shqetësohej më shumë për shëndetin e saj.
— Britney Spears (@britneyspears) January 13, 2022
Në deklaratën e saj, Britney shkroi se motrës së saj të vogël nuk i ishte dashur asnjëherë të punonte dhe gjithçka i kishte ardhur gati në jetë.
“Familja ime më shkatërroi ëndrrat 100 miliardë % dhe më bëri mua të dukem si e çmendura”.- shkroi Britney ndër të tjera.
Pas këtij reagimi, Jamie sërish pretendon se fjalët e këngëtares s’janë të vërteta dhe është shprehur se bisedat e tyre private s’janë në të njëjtën linjë me deklaratat e fundit të Britney-t.
