Modelja e njohur kosovare Arta Nitaj është përfolur shumë kohët e fundit për një romancë të mundshme me aktorin e humorit, Romeo Veshaj.
Dyshimet kanë nisur, pasi dyshja postuan foto nga i njëjti vend në Dubai. Ata të dy pozuan përpara një restoranti luksoz, në kohë të ndryshme.
Megjithatë, vetë modelja i ka hedhur poshtë dyshimet dhe thashethemet, duke theksuar se nuk e njeh personalisht Romeon.
Ajo ka treguar se me aktorin e humorit nuk është takuar kurrë, por ka rastisur që kanë realizuar foto në të njëjtin vend.
“Një nga figurat publike shqiptare që nuk e njoh nga afër dhe nuk e kam takuar kurrë është Romeo. Thjesht kemi bërë foto në të njëjtin vend, tek restoranti “Namos”.- ka shpjeguar ajo.
Ndërkohë, ajo ka tërhequr akoma më shumë vëmëndjen, me një deklaratë se e ka “Romeon e saj”, duke na nënkuptuar se është në një lidhje dashurie.
“Për Vitin e ri Romeo s’ka qenë në Dubai, pra nuk kemi festuar bashkë. Kam Romeon tim, unë Zhulieta”, tha Arta Nitaj.
Rikujtojmë se dhe Romeo është në një marrëdhënie me Aleksia Peleshin. Kjo e fundit ka folur publikisht rreth partnerit të saj, ku herë pas here i ka dalë në krahë në situata të ndryshme që aktori është përfshirë.
