Moderatorja e njohur, Einxhel Shkira dhe DJ nga Kosova, Dagz, pas shkëmbimit të puthjes së tyre të parë janë shfaqur më të afërt me njëri-tjetrin. Dyshja tashmë mund të quhet pa pasur frikë çifti më i ri i shtëpisë së “Big Brother”.
Einxhel dhe Dagz kalojnë pothuajse tërë ditë bashkë duke biseduar ose duke treguar dashuri me puthje apo përqafime.
Jo më larg se sa ditën e djeshme dyshja ka zgjedhur t’i kalojë momentet romantike në suitë, madje ata kanë pasur më shumë afrimitet se sa çifti, Donald – Beatrix.
Gjatë spektaklit të së martës në momentin që u shfaqen puthjet e saj me Arbrin, të gjithë banorët u çuditën dhe u lumturuan njëkohësisht për çiftin.
Ndërkohë Einxhel u fsheh prapa ulëseve, kështu duke treguar se nuk është dakord që lidhjet e dashurisë ti bëjë publike.
Ajo ka pasur herë pas here kontradikta me veten, pasi e kemi parë duke biseduar me shoqen e saj aty brenda Beniadën ku i ka shfaqur pendim për puthjen e parë që pati me Dj Dagz. Në fakt ky nuk ka qenë i vetmi veprim i saj që tregon se akoma nuk është gati të ketë një lidhje brenda shtëpisë.
Sot gjatë bisedës së bërë me Monikën i thotë: “Po është e vërtetë që Dagz-i më bën të ndjehem shumë mirë, kaloj shumë mirë me Dagz-in por unë nuk kam dashur që kjo gjë të ndodhë.”
Ndërsa Monika i është kthyer duke i thënë se: ” Nuk e ke as ti në dorë e as Dagz-i”.
Einxhel: “Mendoja se e kisha në dorë”.
Monika: “ Siç i mendojmë ne gjërat e na dalin jashtë kontrollit .Nuk bën dot matematikë me gjërat”.
Einxhel: “Nuk ishte matematikë, aty do ishim dhe jashtë. Vetëm dy muaj janë o Monikë”.
Mesa duket moderatorja ësht penduar për veprimet e ndodhura brenda shtëpisë së “Big Brother” pasi ajo e ka thënë dhe herë tjetër që lidhjet e saj i mban private, ndryshe nga kjo e fundit që është ndjekur nga një publik i tërë.
