Amber Rose e gjen shumë seksiste dhe të padrejtë që pavarësisht arritjeve të saj ajo të cilësohet sërish si një “striptiste”. Kjo veçanërisht pasi një mashkull shumë i famshëm ka shkelur më herët mbi të njëjtën rrugë si ajo, por nuk trajtohet në të njëjtën mënyrë.
32-vjeçarja, e cila pozon për koverin e numrit të tetorit të “Cosmopolitan” në Afrikën e Jugut, tregon gjatë intervistës se sa të ngjashëm janë ajo dhe aktori Channing Tatum, pavarësisht mënyrës shumë të ndryshme që shikohen nga publiku.
“Channing Tatum ishte një striptist. Ai ishte një striptist si unë. Më pas ai u bë një model profesionist, ashtu si edhe unë. Unë u regjistrova te agjencia “Ford Models” në Nju-Jork”, krahason Amber jetët e të dyve.
Amber provoi striptizimin për herë të parë në moshën 15-vjeçare, para se të kishte provuar edhe seksin, por hoqi dorë. Ajo më pas u kthye sërish, duke u bërë striptiste nga mosha 18 deri në moshën 25.
Channing, njësoj si ajo, nisi striptizmin kur ishte 19 vjeç dhe hoqi dorë kur hyri në Universitetin e Floridës Jugore.
Sërish kur njerëzit flasin ose shkruajnë për Channing tani, ata rrallë i drejtohen atij si “ish-striptist”. Ndërsa për Amber ky term përdoret shumicën e kohës dhe shpesh me përçmim.
“Ai madje bëri një film rreth të qenit striptist! Dhe të gjithë e blenë atë dhe e dashuruan dhe ishin, “Oh Zot, Magic Mike, ne duhet ta shikojmë!”. Por nëse do ta bëja unë, njerëzit do të më thoshin se isha e shpifur. Drejtoj tetë biznese, jam drejtoreshë ekzekutive e kompanisë sime dhe sërish quhem striptiste. Është kaq qesharake. Ne kishim të njëjtën jetë dhe unë tallem. Nuk është faji i tij, është thjesht shoqëria”, thotë Amber.
*Shfleto galerinë
Burimi: Daily Mail
