Nata e ndërrimit të viteve i ka gjetur në mënyrë te pazakontë banorët e shtëpisë së “Big Brother VIP Albania” të cilët kanë qëndruar të izoluar edhe në këtë natë të veçantë.
Gjatë darkës së shtruar në tryezën e oborrit, banorët kanë uruar njeri-tjetrin dhe në mbyllje të festës, ata kanë marrë një surprizë të bukur.
Edhe pse ndodhen larg njerzve të dashur, banorët e shtëpisë më të famshme në Shqipëri janë surprizuar nga familjarët e tyre, të cilët i kanë uruar banorët nëpërmjet videove të shkurtra ku i përshëndesin nga tryeza e tyre në tryezën e banorëve.
Të gjithë konkurrentët janë përlotur teksa dëgjonin urimet e përzemërta nga familjarët e tyre që këtë vit, ndryshe nga çdo herë tjetër, janë ndodhur larg tyre.
Megjithatë, pavarësisht mallit e nostalgjisë, banorët e shtëpisë së “Big Brother” nuk janë penguar të organizojnë një spektakël të veçantë për publikun me rastin e natës së ndërrimit të viteve.
Për minuta të tëra ato paraqitën përpara shikuesve performanca muzikore dhe artistike.
Në fund banorët nuk harruan edhe të përshëndesnin familjarët e tyre.
Njëri pas tjetrit ata të përlotur kanë uruar njerëzit e zemrës.
Izolimi për një kohë të gjatë duket se ka thelluar mallin dhe nostalgjinë që ata ndjejnë për botën jashtë.
