Aleksia Peleshi është përfolur shumë kohëve të fundit për lidhjen e saj me Romeo Veshajn, hyrjen e këtij të fundit në shtëpinë e “Big Brother”, e shumë dinamika të tjera.
E ftuar në emisionin “Goca dhe Gra”, Aleksia është pyetur se cili nga banorët e “Big Brother VIP” është i preferuari i saj.
Pa hezituar, Peleshi përgjigjet me emrin e Donaldit.
Mirëpo jo të gjithë mendojnë si ajo.
Në një bisedë virtuale në Instastory dikush kritikonte aktorin duke e cilësuar si ‘tradhëtar’, referuar marrëdhënies së tij me Borën dhe Beatrix. Megjithatë, Aleksia ishte e shpejtë për të kthyer një përgjigje lidhur me këtë koment.
Ke një foto me nusen në profil dhe më ke dërguar 10 mesazhe ku thua: ‘shpirt, zemër, ylli’ dhe gjykon Donaldin që ishte beqar. Është kulmi të kryqëzohet nga njerëz si puna jote që mashtrojnë, tradhtojnë, mbajnë të dashuruar dhe prishin familje, është hipokrizia më e madhe.
Hera e fundit që flas për këtë temë, na lodhët.
Aleksia në emisionin “Goca dhe Gra” gjithashtu tha se Donaldin e konsideron familje.
“Shiko, në rradhë të parë unë Donaldin e kam konsideruar gjithmonë familje dhe dua që të jetë i lumtur. Ai është person që bën shumë për të tjerët dhe meriton që të marë në këmbim atë që jep. Por ndjenjat janë të pakuptueshme; vijnë, ikin papritur dhe shpeshherë na bën që të lëndojmë dikë tjetër apo të thyejmë premtime”
