Që nga data 4 janar e vitit 2022, të gjithë punonjësit e administratës, qendrave tregtare, supermarketeve apo dhe të marketeve ushqimore duhet të paraqiten dhe të dorëzojnë certifikatën e vaksinimit.
Sipas urdhrit të datës 23 dhjetor nga “Ministria e Shëndetësisë”, është thënë se të gjithë punonjësit e këtyre shërbimeve apo subjekteve duhet të depozitojnë pranë qendrës së punës së tyre një nga dokumentet që tregon se nuk është bartës i virusit, dhe që është i vaksinuar. Të gjithë ata që nuk kanë certifikatë vaksinimi duhet të paraqesin dëshminë e lëshuar nga aplikacioni “e-Albania” që tregon se jeni shëruar nga Covid-19.
Ko certifikatë ka një afat prej 6 muajsh nga shërimi nga Covid-19.
Kush nuk është i vaksinuar, duhet të paraqesë çdo pesë ditë përgjigjen e testit për të vërtetuar që nuk është mbartës i koronavirusit. Përjashtim nga ky urdhër bëjnë vetëm ata persona që kanë një dokument mjekësor që tregon mosaplikimin e vaksinës.
Në vendimin e “Ministrisë së Shëndetësisë” thuhet gjithashtu se do të jenë “Operatori i Shërbimeve të Kujdesit Shëndetësor” dhe “Inspektorati Shtetëror Shëndetësor” në bashkëpunim me ISHP që do të monitorojnë zbatimin e urdhrit.
Për të parandaluar përhapjen e Covid-19, baret dhe restorantet do të vijojnë të qëndrojnë të mbyllur pas orës 23:00.
