Ditët e fundit është përfolur për një lidhje të mundshme midis Atdhe Xharavinës, ish konkurrentit të “Përputhen 2”, dhe bukuroshen Efi të “Përputhen 3”.
Dyshja është fotografuar ditën e djeshme, ku “Kryefjala.com” ka njoftuar se ata janë kapur “mat” ndërkohë që shkonin në një dyqan në Tiranë dhe Efi provonte fustane, ndërsa Atdheu e shoqëronte.
I ftuar sot te “Shqipëria Live” për një temë në lidhje me automjetet dhe makinat, dy prezantuesit Erjona dhe Flori nuk mund të rrinin pa i përmendur dhe lajmet e bujshme në lidhje me të edhe Efin.
Atdheut ju prezantua një titull i tillë: I dolën fotot me Efin, Atdheu deklaron se do martohet pas 4 muajsh (foto).
Ish-konkurrenti vendosi të sqaronte situatën, por pa dhënë detaje:
“Nuk kam deklaruar se do martohem pas 4 muajsh, Efin e kam shoqe.”,- tha ai.
Fakti që qarkullojnë lajmet se Atdheu do të martohet pas 4 muajsh vijnë nga 1 koment që ai i ka bërë Arjan Konomit, kur ky i fundit rikujtonte një dhuratë që ka marrë prej Atdheut dhe shkruante se do t’ia kthente kur të martohej konkurrenti.
Nga ana tjetër, ende nuk ka një reagim nga Efi.
Kjo e fundit ka qenë një nga banoret më të diskutuara në “Përputhen”, për shkak të pamjes së saj të jashtme, por edhe për takimet e zhvilluara në reality show, ku më të spikatura kanë qenë takimet me Brunon.
