Priyanka Chopra ka zbuluar arsyen pse zgjodhi të hiqte mbiemrin Jonas nga profili i saj në Instagram.
Muajin e kaluar, fansat filluan të spekulojnë se aktorja dhe Nick Jonas, ishin ndarë – pasi ylli i “The Matrix Resurrections” hoqi pjesën “Jonas” të emrit të saj nga llogaritë e saj në rrjetet sociale.
Aktorja 39-vjeçare e shtoi mbiemrin e bashkëshortit të saj në Instagram dhe Tëitter pas martesës në vitin 2018.
Menjëherë pas spekulimeve, Chopra hodhi poshtë thashethemet se ajo është ndarë nga bashkëshorti i saj.
Gjatë një interviste të kohëve të fundit me “Times of India”, kur një gazetar e pyeti yllin e “Citadel” për një arsye pse ajo hoqi mbiemrin, Chopra tha:
“Nuk e di! Doja që emri i përdoruesit të përputhej me Tëitterin tim, mendoj. Më duket shumë zbavitëse që çdo gjë bëhet kaq e madhe për njerëzit! Është media sociale. Thjesht qetësohu!”
Muajin e kaluar, aktorja foli për mënyrat se si ajo dhe bashkëshorti i saj i japin përparësi marrëdhënies së tyre kur karriera e tyre përkatëse nënkupton se ata janë larg njëri-tjetrit.
“Ne flasim gjatë gjithë kohës. Ne i njohim zemrat e njëri-tjetrit dhe i japim përparësi njëri-tjetrit në çdo gjë që bëjmë”, tha ajo.
Filmi i fundit i aktores “The Matrix Resurrections”, ku ajo luan rolin e Sati, është publikuar së fundi
