Marrëdhënia e Dj Dagz dhe Einxhel është komentuar shumë kohët e fundit, pasi ende nuk dihet se çfarë po ndodh midis tyre, dhe sa ndjenja kanë ata.
Dyshimet për një marrëdhënie më të fortë se miqësia janë ngritur akoma më shumë pas daljes së Dj PM dhe Dj Dagz, ku Einxhel ka reaguar e përlotur e plot emocion, një anë që nuk e kishim parë më parë tek moderatorja.
Kështu, me rikthimin e Arbrit në shtëpi, marrëdhënia e tyre duket sikur është në një hap më të lartë.
Në emisionin e mbrëmjes së sotme është diskutuar edhe një herë për ndjenjat e Einxhel ndaj Dj. E pyetur nga Arbana nëse po shqetësohet se si duket nga publiku apo nga banorët e tjerë, Einxhel është shprehur se i druhej penalizimit të ndonjërit prej tyre nëse do të krijohej diçka e mirëqenë.
Ajo ka theksuar se ka nevojë për kohën e saj dhe se nuk është fokusuar kurrë tëk çështjet sentimentale, por fokusi saj kryesor ka qenë vetja, puna dhe karriera.
“Nuk kam dashur të shihet sikur Dagzi po përdoret dhe besoj që një lidhje do të na penalizonte. Një nga pikat që nuk e kam të fortë në jetë është çështja sentimentale, s’i kam kushtuar vëmendje. Jam fokusuar tek puna, vetja, karriera. Nuk e kam menduar asnjëherë të përfshihem këtyre muhabeteve, të përkushtohem apo dedikohem.
Kam nevojë për kohën time, jam natyrë shumë diskrete, nuk e ndaj privatësinë time me gjithë botën. Nëse do të pyesësh jashtë miqtë e mijë, jam shumë e sigurt që nuk më kanë parë ndonjëherë duke e puthur. Jam natyre e tillë.”
