Taylor Swift po shijon të qenit single, por ish-i dashuri i saj duket se nuk është më i tillë. Ajo po e shijon kohën vetëm dhe kjo gjë duket qartë në daljet e saj publike.
Thashethemet lidhur me DJ-in skocez aludojnë se ai është në një lidhje me këngëtaren Jennifer Lopez, mirëpo po mundohen ta mbajnë këtë gjë shumë të fshehtë. Një burim ka thënë për “National Enquirer” se, Calvin dhe Jennifer takohen në fshehtësi dhe se kujdesen që këtë gjë të mos e marrë vesh njeri, pasi ndodhen ende në fillimet e lidhjes.
Këngëtarja e famshme 47-vjeçarja i dha fund marrëdhënies së saj me balerinin Casper Smart vetëm pak javë më parë. Thuhet se Jennifer është parë së fundmi duke e kaluar një pjesë të mirë të kohës me Calvin në hotel. Ata u thonë bashkëpunëtorëve se, “janë duke punuar në këngën e tyre të re”, ndërkohë që rrinë me orë të tëra në studio së bashku.
“Janë afruar shumë dhe kanë një kimi shumë të mirë së bashku”, pohon një burim i afërt i dyshes. Ne mund të themi vetëm që Jennifer ende nuk ka ndryshuar shije për djemtë e rinj!
Burimi: Daily Mail
