Shfaqja vjetore e modës së “Victoria’s Secret” është një nga eventet më të shumëpritura në sezonin e pushimeve dhe këtë vit ato kanë zgjedhur Parisin.
Sipas WWD, marka e të brendshmeve më të famshme të Engjëjve raportohet se do të flurojë për në Francë, në qytetin më me stil, për shfaqjen e vitit 2016, që mbahet gjithmonë në nëntor për t’u transmetuar në dhjetor.
Dhe ndërsa “Victoria’s Secret” ka një histori të gjatë në mbajtjen e shfaqjes së modës në Nju-Jork, kjo do të jetë aventura e parë ndërkombëtare e markës.
Në vitet e fundit, shfaqja është zhvilluar kryesisht në Regiment Armory, në Manhattan, por në vitin 2014 marka zgjodhi Londrën për ekstravagancën e saj të përvitshme.
Modelet e “Victoria’s Secret” kanë shkelur gjithashtu edhe në pasarelën në Los Angeles, Miami, madje edhe në Kanë në vitin 2000, por nëse raportimet janë të vërteta, kjo do të jetë hera e parë që shfaqja do të mbahet në Qytetin e Dritës.
Detajet për shfaqjen pritet të dalin, eventet e mëparshme kanë pasur performanca nga Taylor Swift, Selena Gomez, The Weeknd dhe Ellie Goulding, të cilët iu bashkuan formacionit në 2015-m, pasi Rihanna anuloi paraqitjen e saj.
Burimi: Daily Mail
