Elon Musk po kthehet ndër personazhet më të përfolur të momentit.
Shkencëtari gati trilioner gjendet shpesh në qendër të mediave për reagimet e tij në rrjetet sociale. Ai shpesh herë tregohet ironik dhe ka përgjigje ‘epike’.
Bernie Sanders mbështetës i zjarrtë socializmit demokratik, i konsideruar ‘komunist’ nga konservatorët kishte shkruar në një postim në Twitter: “Duhet të kërkojmë që personat ekstremisht të pasur të paguajnë pjesën e tyre. Pikë”
We must demand that the extremely wealthy pay their fair share. Period.
— Bernie Sanders (@SenSanders) November 13, 2021
“Gjithmonë më del nga mendja që je ende gjallë”, iu përgjigj Musk.
I keep forgetting that you’re still alive
— Elon Musk (@elonmusk) November 14, 2021
Elon Musk, themelues i kompanisë së prodhimit të makinave elektrike Tesla, ka një pasuri personale rreth 300 miliardë dollarë, çka e fut me siguri në listën e personave “ekstremisht të pasur”, sipas Sanders. Në fakt, ai është një ndër 5 më të pasurit e planetit, sipas indeksit të miliarderëve të publikuar nga “Bloomberg”.
Edhe pse është transferuar në Teksas, ku nuk duhet të paguajë tatim mbi të ardhurat, Musk ka pranuar se ka ende detyrime ndaj shtetit të Kalifornisë, pasi kalon përsëri shumë kohë duke punuar aty.
Si kryetar i komisionit për buxhetin në Senatin amerikan, Sanders ka propozuar që më të pasurit e vendit të detyrohen të paguajnë një taksë ekstra mbi pasurinë e tyre, që sipas tij do të sigurojë 4,35 trilionë dollarë në dhjetë vitet e ardhshme dhe do të përgjysmojë pasurinë e tyre në 15 vitet e ardhshme. Edhe demokratët, që momentalisht kanë shumicën në Kongres dhe Senat, si edhe drejtojnë Shtëpinë e Bardhë, janë përpjekur edhe më parë të mbështesin nismën e taksimit të miliarderëve.
