Ava Max është një tjetër emër shqiptar që ka depërtuar në tregun muzikor ndërkombëtar. Së fundmi, Max ka zbuluar se pritet të sjellë projektin e ri muzikor.
Këngëtarja shqiptare me famë botërore ka bashkuar forcat me DJ-në e famshëm botëror, Tiwsto, për këngën që mban titullin “The Motto”, shkruan diaspora shqiptare.
Artistja me origjinë shqiptare ka konfirmuar në rrjete sociale se kënga do të publikohet ditën e sotme ndërsa ka ndarë pak sekuenca nga klipi. Tiwsto është një nga DJ-të më të njohur, dhe nuk është hera e parë që punon me një artiste shqiptare.
Ava Max, ka dhënë së fundmi një intervistë për revistën “Cosmopolitan” ku ka folur për karrierën, por edhe jetën e familjes së saj. Ajo nuk ka lënë pa përmendur edhe vendin e saj, Shqipërinë.
Ndër të tjera ajo ka rrëfyer edhe për periudhën e vështirë kur prindërit e saj emigruan nga Shqipëria, fillimisht në Francë, e më pas në Shtetet e Bashkuara të Amerikës.
Ajo u shpreh se prindërit e saj sakrifikuan shumë dhe morën rrugën e mërgimit edhe pse nuk kishin para dhe nuk dinin gjuhë të huaj.
“Prindërit e mi nuk mund të flisnin anglisht dhe ata nuk kishin para. Ata bënin nga tre punë secili. Ende e pyes veten se si ata e bënin këtë…ata sakrifikuan aq shumë gjëra për mua dhe vëllain tim, kështu që tani unë dua që t’i mbështes me çdo gjë”, është shprehur Ava Max
