Aktori amerikan Alec Baldwin qëlloi me armë zjarri dhe vrau një kineaste e plagosi regjisorin në një film të xhiruar në New Mexico.
Incidenti ndodhi në xhirimet e filmit “Rust” në shtetin jugperëndimor të SHBA-së, ku Baldwin luan rolin kryesor në një Western të shekullit të 19-të.
Së fundmi, mediat e huaja kanë bërë të ditur fjalët e fundit të kineastes që mbeti e vrarë.
“Kjo nuk ishte mirë. Kjo nuk ishte aspak e mirë”, mësohet të ketë thënë ajo në momentet e fundit të jetës.
Sjellim në vëmendje se aktori po përgatitej pak çaste më parë për xhirimin e një prej skenave brenda një kishe, ku do të qëllonte me pistoletën Colt, kalibër 45.
“Pra e nxjerr këtë kështu, tërheq këmbëzen dhe ‘Bang!’”, thuhet se është shprehur aktori teksa mbante armën që supozohej të ishte mbushur me gëzhoja boshe.
Por për fat të keq, plumbi rezultoi të ishte i vërtetë dhe fatal për kinasten.
Sipas mediave të huaja që kanë sjellë një kronologji të ngjarjes së rëndë, kineastja ra në krahët e kryeelektricistit në shesh.
Po ashtu edhe regjisori Joel Souza, i cili gjithashtu u godit, u rrëzua në tokë.
Baldwin e uli armën i tronditur nga ajo që pa dhe bërtiti: “Çfarë ndodhi?”
“Mjek!” dikush bërtiti ndërsa anëtarët e ekuipazhit nxituan të alarmuar drejt saj, e cila nuk mundi që t’i rezistonte plagëve të marra dhe ndërroi jetë brenda pak orësh.
