Beatrix Ramosaj është një ndër konkurrentet më të reja që u bënë pjesë e “Big Brother Vip”. Këtij reality show iu bashkuan para disa ditësh edhe dy personazhe të tjerë: Sara Berisha dhe Einxhel Shkira.
Edhe pse ka pas kohë që ajo është izoluar brenda ambienteve të “BBV”, Beatrix ka përjetuar një situatë emocionale që ka të bëjë pikërisht me vëllain e saj, Albanin.
Teksa në shtëpi u dëgjua një nga këngët e tij, artistja ka shpërthyer në lot sapo e ka dëgjuar.
“Jam shumë mirë vetëm që nuk ia kam dëgjuar zërin prej ditësh dhe mu duk e çuditshme, ja ha zemrën, sa shumë u gëzova, po qaj prej gëzimi”, ka thënë Beatrix e cila u ngushëllua nga Fifi dhe Semi të cilat e përqafuar për të ia larguar mërzinë.
Kujtojmë se këngëtarja ka kaluar para disa ditësh Covid-19.
Para se të bëhej pjesë e shtëpisë së “Big Brother”, ajo ka treguar për të gjithë ndjekësit e saj në “Instagram” se po përballej me një sfidë tjetër që është pesha e saj.
“Covid më ka futur në depresion sepse shtova shumë peshë. Sot fillova palestrën përsëri dhe kuptoj se do të jetë një rrugë e gjatë të ndihem vetvetja përsëri, por shëndeti i pari, hap pas hapi”, ka thënë ajo.
Epo mesa duket, ajo ka arritur rezultatet që dëshironte pasi duket në top formë.
