Një ndër moderatoret më të çiltra me fansat e saj është padyshim Fiori Dardha.
Ajo ka realizuar së fundmi një intervistë virtuale me ndjekësit në “Instagram”, ku ndër të tjera është pyetur në lidhje me jetën e saj personale, ku nuk ka munguar as kurioziteti i “tepruar” i ndjekësve.
Një prej pyetjeve që ka marrë vëmendjen e moderatores nga e cila ka zgjedhur të japë dhe një mësim ka qenë pikërisht ajo se pse nuk ka bërë dhe një fëmijë tjetër.
“…sepse kam pritur gjithë këtë kohë për këtë pyetjen tënde gjithë mend e plot takt!”, i është përgjigjur moderatorja me doza ironie duke iu dhënë një mësim të gjithë atyre që ju intereson shumë jeta private e tjerëve.
Kujtojmë se Fiori Dardha humbi para disa kohësh njeriun më të shtrenjtë të jetës, nënën e saj. Moderatorja e njohur kishte treguar prej kohësh se nëna e saj vuante nga kanceri i gjirit dhe fatkeqësisht nuk mundi ta fitonte betejën me të.
Më herët, nëpërmjet një bisedë virtuale me ndjekësit e saj në “Instagram” ajo ka treguar se fotoja nga momenti më i vështirë në jetën e saj ishte kur ndodhej në spital me të ëmën e ndjerë.
“Këtë foto e ka shkrepur motra ime, në përpjekje për të më qetësuar disi duke tentuar të bëjë ndonjë batutë. ‘Bëhesh shumë e shëmtuar kur qan, ndaj fshiji lotët’-më thoshte, teksa unë me ankth shihja në monitor se si ndryshonin rrahjet e zemrës dhe saturimi i mamit. Nuk ka tmerr më të madh se të shohësh njeriun më të shtrenjtë të shuhet”, ka shkruar moderatorja krahas fotos së saj.
