Modelja Gigi Hadid dhe këngëtari Zayn Malik i kanë dhënë fund me njëri-tjetrin.
Zayn akuzohet se ka goditur mamanë e Gigi-t, madje ajo po mendon ta denoncojë në polici.
“Gigi është e përqendruar vetëm në atë çfarë është më e mira për Khai-n. Ajo kërkon privatësi gjatë kësaj kohe,”- tha përfaqësuesi i modeles.
Pas akuzave të Yolanda Hadid, një nga motrat e Zayn ka mbështetur publikisht këngëtarin.
Waliyha Malik ka ndarë me ndjekësit e saj një sërë postimesh në Instagram Story në mbrojtje të Zayn.
“Zayn je kaq i dashur nga të gjithë ne [emoji me zemër të bardhë]”, shkroi ajo.
Ajo vazhdoi me një seri fotosh familjare dhe më pas publikoi një paralajmërim të ashpër për “karma-n”, që është një mesazh i drejtpërdrejtë për familjen Hadid.
“Karma vjen pas të gjithëve. Karma e bën punën e saj për të gjithë. Çdo gjë rrotullohet në botë! Nuk mund të ikësh duke akuzuar dhe poshtëruar njerëzit gjithë jetën tënde, s’më intereson se kush je.”-lexohej në thënien e postuar.
Thuhet se e gjitha nisi pas një sherri në shtëpinë që ai ndan me Gigi Hadid dhe të voglën e tyre, Khai.
Gigi po modelonte në Paris dhe Yolanda shkoi në shtëpinë e çiftit, mesa duket pa pëlqimin e Malik.
Pas një përleshje me fjalë të ashpra, në të cilën ai dyshohet se e ofendoi me fjalë të rënda dhe më pas i tha: ‘Qëndro larg vajzës sime’.
Më pas thuhet se i ka telefonuar Gigi-t në Paris dhe e ka qortuar në telefon, duke i bërtitur.
Një roje sigurie ishte dëshmitar i ngjarjes dhe ka treguar se ai i tha: ‘Nxirre f*** nga shtëpia ime, referuar nënës së Gigi-t.
“Lufta” çoi në ndarjen e Gigi dhe Zayn.
Një burim pohoi për “Sun” se Zayn dhe Yolanda kanë qenë në mosmarrëveshje që nga shtatzënia e Gigi-t. Artisti dyshoi se Yolanda kishte nxjerrë në media lajmin e shtatzënisë kur duhej të mbahej sekret, pohoi burimi i paidentifikuar.
Nga ana tjetër, Zayn reagoi më herët me një deklaratë në Twitter.
“Siç e dini të gjithë, unë jam një person privat dhe dua shumë të krijoj një hapësirë të sigurt dhe private ku vajza ime të rritet,” filloi shënimi i tij. “Një vend ku çështjet private të familjes nuk hidhen në skenën botërore. Në përpjekje për të mbrojtur atë hapësirë për të, unë rashë dakord të mos i kundërshtoja pretendimet që lindin nga një debat që pata me një anëtar të familjes së partnerit tim, i cili hyri në shtëpinë tonë ndërsa partneri im ishte larg disa javë më parë.Kjo ishte dhe duhet të jetë ende një çështje private, por duket se tani për tani ka përçarje dhe pavarësisht përpjekjeve të mia për të na rikthyer në një mjedis familjar paqësor që do të më lejojë të bashkë-prindëroj vajzën time në mënyrën që ajo e meriton.”,- shkroi ai
