Seriali më i ri i Ermal Mamaqit mban titullin “Humans of Tirana” – “HO.T” dhe do të vijë në datën 24 tetor në ekranin e “Tv Klan”.
Kurioziteti rreth këtij projekti është i madh, ndërkohë që regjisori, Bjordi Mezini ka zbuluar disa detaje në lidhje më të teksa ka qenë i ftuar në emsionin “Natën me Aulonën”.
I pyetur se si është të punosh me Ermalin, Bjordi ka treguar se nuk e kishte menduar ndonjëherë që do të lidhej artistikisht me aktorin e humorit.
“Ne jemi shumë të ndryshëm, dhe unë nuk prisja kurrë, të lidhesha artistikisht me Ermalin. Në fillim na është dashur kohë të kuptojmë njëri-tjetrin”, të besonim njëri-tjetrin, derisa gjetëm gjuhën e përbashkët. Ermali është një karakter që është shumë pozitiv, kjo është pika e tij më e fortë, është shumë aktiv, është shumë energjik”, tha regjisori.
Edhe pse ka shumë vite që është pjesë e këtij profesioni dhe ka arritur të ketë mjaft suksese, duket se fillimet e Bjordit nuk kanë qenë të lehta.
“Çdo projekt i imi ka qenë ‘Jo’ në fillim, ka qenë dikush që s’ka besuar, dikush që s’ka dashur, por kam duruar dhe e kam çuar punën aty ku kam dashur”, tha Bjordi.
/iconstyle.al
