Një 18-vjeçare në Angli, e cila u qeras me një pije “Vodka” nga një djalë gjatë një mbrëmjeje, ka mbetur pa fjalë kur ky i fundit i kërkoi paratë përmes një mesazhi në telefon.
“Daily Mail” shkruan se Abby Fenton po festonte e miqtë e saj në Sheffield të Anglisë, kur dy javë më parë, i riu i ofroi pijen 6.50 paund. Ajo pranoi ofertën dhe më pas dyshja shkëmbeu numrat para se të vazhdonin në punën e tyre.
Por adoleshentja ka mbetur e suprizuar kur pasi kishin kaluar dy javë, mori këtë mesazh nga një burrë misterioz: “Përshëndetje, shpresoj të mos e kesh problem e dashur, por mund të m’i japësh prapë ato 6.50 paund?”.
Fenton nuk e mbante mend derisa ai u prezantua, por më pas ia transferoi paratë në llogarinë e tij bankare. “Ia dhashë paratë megjithëse në fillim nuk doja sepse mu duk shumë e ulët. Por më pas mendova se atij mund t’i nevojiteshin vërtet” u shpreh Abby për “Daily Mail”.
