Policia e Tiranës ka raportuar ditën e sotme detaje për aksionin e zhvilluar mbrëmjen e djeshme në kryeqytet, në bashkëpunim me Prokurorinë.
Ky aksion u zhvillua për goditjen e veprave kriminale në fushën e farmaceutikës, ku u arrestuan gjashtë shtetas.
Arrestimi i tyre u bë pasi gjatë periudhës së Covid-19, këta shtetas në bashkëpunim me njëri-tjetrin, shisnin medikamente të dyshuara kontrabandë.
Ngrejmë pyetje se si ka mundësi që SPAK-u duke pasur gjithë ato dosje me abuzime prej miliona eurosh , fokusohet gjithmonë te më të pa rrezikshmit dhe vetëm te ‘flluckat’ ?
Ka një pritshmëri të madhe për SPAK që të merret realisht me çështje të mëdha, me tendera të mëdhenj dhe me abuzimet më të mëdha, të cilat rëndojnë mbi shqiptarët, por kjo nuk po ndodh!
Raporti i Policisë:
“Finalizohet pas një hetimi 10-mujor operacioni policor i koduar “Përfitimi”.
Operacioni i zhvilluar nga Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë.
Shisnin medikamente të dyshuara kontrabandë, gjatë periudhes së Covid-19,vihen në pranga 6 shtetas.
Sekuestrohen barna të ndryshme, një automjet dhe 6 aparate celular.
Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë, pas një hetimi 10-mujor, zhvilloi dhe finalizoi operacionin policor i koduar “Përfitimi”, në kuadër të të cilët u bë arrestimi i shtetasve:
B, 40 vjeç, administrator i një farmacie;
M, 39 vjeç, administrator i një farmacie;
Xh, 64 vjeçe, e dyshuar si dërguesja e mallrave kontrabandë;
P, 66 vjeç, i punësuar nga shtetasja M. Xh;
L, 40 vjeç, administrator i një farmacie;
O, 56 vjeç, administrator i një depoje farmaceutike.
Arrestimi i tyre u bë pasi gjatë periudhës së Covid-19, këta shtetas në bashkëpunim me njëri-tjetrin, shisnin medikamente të dyshuara kontrabandë.
Sekuestrohen në cilësinë e provës materiale barna të ndryshme, një automjet dhe 6 aparate celular.
Materialet i kaluan Prokurorisë pranë Gjykatës së Shkallës së parë Tiranë, për veprat penale “Prodhimi dhe tregtimi i barnave dhe i paisjeve mjekësore të falsifikuara ose të rrezikshme për shëndetin” dhe “Tregtim dhe transportim i mallrave kontrabandë”,- raporton Policias Tiranës.
