Këngëtari i famshëm amerikan, R Kelly është shpallur fajtor para pak ditësh në lidhje me drejtimin e një skeme duke shfrytëzuar famën e tij të madhe për të abuzuar me 11 persona për dy dekada.
Para gjykatës dëshmuan nëntë gra dhe dy burra duke tronditur sallën me përshkrimin e poshtërimit dhe dhunës seksuale që u ka shkaktuar fituesi i “Grammy-t”.
Gjithashtu u zbulua se kishte trafikuar gra midis shteteve të ndryshme të SHBA dhe kishte prodhuar pornografi për fëmijë.
Reperi është shpallur fajtor për të gjitha akuzat më të cilat ai përballet. Dënimi për të do të jepet në datën 4 maj dhe mund të kalojë pjesën tjetër të mbetur të jetës së tij pas hekurave.
Pas këtij lajmi, “Youtube” ka marrë vendimin drastik ndaj këngëtarit duke fshirë nga platforma kanalet e tij.
Megjithatë, këngët dhe albumet e tij si dhe përmbajtja e krijuar nga përdoruesit që përfshin muzikën e tij do të vazhdojnë të jenë të disponueshme në shërbimin YouTube Music.
Platforma e mori këtë vendim pasi përputhej me rregullat e kompanisë ku thuhet se nëse pronarët e kanaleve akuzohen për krime shumë të rënda, platforma mund t’i mbyllë kanalet e tyre nëse deklarohen fajtorë.
Kujtojmë se në një intervistë të dhënë më herët, ish-bashkëshortja e reperit tha se është mjaft e trishtuar për shkak të fëmijëve pasi mori vesh lajmin.
“Unë e kam shumë të vështirë sepse ndryshe nga pjesa tjetër e viktimave të tij, unë gjithashtu ndaj fëmijë me të, unë kam qenë e martuar me të. Unë mbaj kapelën e një të mbijetuare dhe të një avokati, por gjithashtu mbaj kapelën e një nëne dhe një ish-gruaje. Kështu që është shumë e vështirë për mua. . Unë kam aftësinë të ndahem dhe të distancohem prej tij, por gjaku i tij kalon nëpër venat e fëmijëve të mi dhe është pjesë e ADN -së së tyre dhe ata nuk mund t’i shpëtojnë asaj edhe nëse duan. Kështu që është shumë e vështirë për mua të jem në atë pozitë”, u shpreh ajo.
