Fotografi i njohur nga Kosova, Meddy Huduti është ndarë nga jeta si pasojë e infektimit me Covid-19.
Këtë lajm e ka bërë me dije nëna e tij, Ikballe Huduti ku ka treguar se i biri ka humbur jetën pasi nuk e ka fituar dot betejën me koronavirusin.
“Gëzimi i parë i nanës biri im Ahmedi sonte na la përgjithmonë. Ne te Zotit jemi dhe Atij do ti kthehemi, po sot babai i Noah Husejnit na la pa prit pas infektimit me Covid dhe me shtrëngim gjoksi. Shkove bir Ahmed, ma la me plagë zemrën time edhe për sa kam jetë. Por do të duroj se Zoti kështu paska desht. Zoti vendosi te më sprovojë edhe me këtë dhimbje qe qenka kapak i te gjitha dhimbjeve që mund të ekzistojnë në botë”, ka shkruar Huduti.
Në lidhje me këtë lajm të trishtë kanë reaguar dhe mjaft personazhe të njohur të skenës dhe ekranit, ndër të cilët edhe artistja Vesa Luma.
Ajo ka postuar në Facebook një foto, të cilën ia ka realizuar fotografi i ndjerë, krahas së cilës ka bërë dhe një dedikim mjaft të ndjerë.
“Një djalë i mirë, një artist i mirë i Prishtinës na paska lënë sot. Meddy ( kjo fotografia e jotja për qejf të cilën e ke realizuar tu pi kafe, është një prej ma të mirave që kam) Pusho ne paqe djalosh”, ka shkruar ajo krahas fotos.
