Supermodelja e famshme, Emily Ratajkowski ka treguar se ishte sulmuar seksualisht në xhirimet e videoklipit për projektin e njohur muzikor “Blurred Lines”.
Në librin e saj të ardhshëm, ajo ka ngritur akuza ndaj këngëtarit, Robin Thicke. Sipas modeles, ajo është ngacmuar nga ai pa pëlqimin e saj gjatë xhirimeve të klipit të vitit 2013.
Të bëra publike për herë të parë, këto akuza janë raportuar në gazetën Sunday Times dhe do të shfaqen në librin e ardhshëm të Ratajkowski “My Body”.
Modelja thotë se Thicke “u kthye në grup i dehur për të xhiruar vetëm me mua”.
Ratajkowski u shfaq në video së bashku me Thicke, këngëtarin Pharrell Williams dhe reperin TI. Blurred Lines kryesoi listat në të gjithë botën, duke u bërë kënga më e shkarkuar e Mbretërisë së Bashkuar e të gjitha kohërave në 2014.
Por mesa duket një histori tjetër fshihej pas këtij klipi.
Kujtojmë se në muajin mars të këtij viti, modelja e famshme Emily Ratajkowski u bë nënë për herë të parë.
Bukuroshja solli në jetë një djalë që e pagëzuan me emrin Sylvester Apollo Bear, të cilin e ka mbajtur gjatë gjithë kësaj kohe të fshehtë nga sytë e publikut.
S’ja kishim parë kurrë portretin dhe ishim tepër kuriozë, mirëpo Emily para pak ditësh e bëri zemrën gur dhe i tregoi botës fytyrën e të voglit të saj, që duhet se s’i ka lënë gjë të ëmës.
