Një festë e madhe falas dhe për më tepër me muzikën e dy këngëtarëve shqiptarë më të dashur për publikun, si Dafina dhe Ledri, ishte një ndër eventet më të shumëpritur nga fansat.
Bëhet fjalë për festën që ish-presidenti Behgjet Pacolli organizoi të shtunën në shtëpinë e tij me rastin e ditëlindjes. Por gjatë kësaj feste ndodhi e papritura. Mediat kosovare raportuan se pati një konflikt mes dy këngëtarëve.
Sherri thuhet se ka pasur edhe tone të larta ku kishe përshtypjen se Dafina dhe Ledri po grindeshin seriozisht. Blitz.al raporton se dy artistët kërkonin ta mbyllnin vetë koncertin. Por në fund dyshja u qetësua dhe Dafina thuhet se e ka bërë mbylljen me një nga këngët e saj.
Pas gjithë kësaj situate, Dafina ka vendosur të mos e ndjekë më Ledrin në “Instagram” gjithashtu ka vendosur të heshtë pasi të gjitha mediat kanë shkruar për ta, por para se kjo të bëhej kaq e madhe për publikun ajo ka reaguar nëpërmjet një fotografie ku shihet titulli i këngës ‘I don’t care’ që do të thotë ‘Nuk më intereson’ të kënduar nga Ariana Grande.
