“Reality show” i shumëpritur nga publiku shqiptar “Big Brother VIP” do të rikthehet shumë shpejt nën drejtimin e Arbana Osmanit.
Një ndër pyetjet që moderatores i drejtojnë më së shumti këtë periudhë ka të bëjë pikërisht me si do ia bëjë ajo të shkojë në punë kur ka një bebe të vogël që është aq shumë i lidhur pas saj.
Nëpërmjet një postimi në InstaStory, Arbana ka treguar pyetjen që ia bëjnë gjithmonë asaj, por jo partnerit.
“Si mendon të shkosh në punë kur ke një fëmijë shumë të lidhur me ty”, pyetje të cilën Arbana ka vendosur që ta ndajë me të gjithë ndjekësit e saj për të dhënë një mesazh se fëmijët nuk kanë vetëm nënë, por edhe baballarë që kujdesen për to.
Arbana ka vetëm pak muaj që është bërë nënë për herë të dytë. Ajo ka sjellë në jetë një djalë së bashku me partnerin, Eduartin, të cilin e kanë pagëzuar me emrin Diell.
Ndërkohë, çifti po punon për ”Big Brother”, që nis transmetimin në 1 tetor.
Së fundmi, gazetari, Eraldo Rexho, pjesë e ekipit realizues të formatit të shumëpritur ka dhënë disa detaje të reja për kanalin T7 në Kosovë.
“Big Brother Vip do të fillojë në Tetor dhe ndryshe nga çdo sezon tjetër do të jepet dy herë në javë. Ditët ekzakte besoj se do të lançohen përmes spoteve publicitare në Top Channel. Do të jetë një kast shumë mirë artistësh dhe pjesmarrësish VIP…Do të kemi besoj përfaqësues të Kosovës, pra do ketë shumë arsye për tu ndjekur Big Brother. E gjithë skuadra po punon për një edicion fantastik. Shtëpia është spektakolare, te gjithë do ta pëlqejnë shumë.”,- u shpreh Eraldo.
