Një javë më parë është mbajtur mbrëmja prestigjioze Met Gala, në të cilën kanë marrë pjesë yje të shumtë ndërkombëtarë.
Pjesë e mbrëmjes ishte edhe artistja shqiptare me famë ndërkombëtare, Rita Ora, e cila u pa në këtë mbrëmje e shoqëruar nga i dashuri i saj, Taika Waititi.
Çifti dukeshin të dashuruar dhe plot hijeshi me veshjet e tyre.
Rita dukej e mahnitshme në një veshje të markës “Prada” me stoli plotësuese diamanti, por është unaza në gishtin e saj të fejesës, që tërhoqi gjithë vëmendjen e paparacëve dhe mediave që nisën menjëherë aludimet se gjërat mund të jenë bërë shumë serioze në marrëdhënien e dyshes. Megjithatë çifti nuk ka konfirmuar ende asgjë.
Së fundmi, artistja ka dhënë një intervistë për “Australian Vogue”, ku është pyetur edhe për marrëdhënien me regjisorin.
“Unë po shijoj momente të mrekullueshme në jetën time, kjo është gjithçka që do të them për këtë”, ka thënë ajo duke mos dhënë detaje të tjera.
Kujtojmë se dalja e tyre e parë publike si çift ishte teksa parakaluan në tapetin e kuq gjatë premierës së “The Suicide Squad”, në Los Angeles. Bukuroshja shqiptare ishte e veshur me një fustan të bardhë, i cili ishte i çarë anash në pjesën e belit. Ndërsa, Taika 45 vjeç kishte veshur një kostum gri me një këmishë të bardhë të mbyllur.
