Ministria e Arsimit e cila tashmë drejtohet nga talebanët, ka bërë me dije se duke filluar nga dita e shtunë të gjitha shkollat do të hapen për djemtë. Ajo që u vu re ishte se nuk u përmend se kur vajzat mund të fillojnë mësimin normalisht.
Për më shumë se një muaji tashmë që talebanët përparuan me shpejtësi në Kabul dhe arritën të merrnin kontrollin e plotë, shumica e institucioneve arsimore kanë mbetur të mbyllura, pasi talebanët janë përpjekur të rihapin ekonominë dhe të rivendosin jetën normale në qytete. Në disa nga shkollat që kanë arritur të funksionojnë, vajzat deri në klasën e gjashtë kanë ndjekur mësimin, gjithashtu edhe universitetet janë hapur, por shkollat e mesme për vajzat vazhdojnë të qëndrojnë të mbyllura.
Talibanët njoftuan një administratë të përkohshme javën e kaluar dhe zyrtarët kanë thënë se nuk do të përsërisin politikat e qeverisë së mëparshme talebane (1996-2001), e cila ndaloi arsimin e vajzave, dhe ata kanë premtuar se vajzat do të jenë në gjendje të studiojnë, për aq kohë sa do të zbatojnë disa nga rregullat që talebanët kanë vënë ku hyn edhe mësimi me klasa të ndara. Megjithatë, ka pasur raporte për ndalimin e grave për të shkuar në punë, dhe disa kanë demonstruar për të kërkuar të drejtat e tyre për punësim dhe arsim. Ndërsa talebanët nuk urdhëruan mbylljen e shkollave pas marrjes së saj në kontroll, grupi ka thënë se situata e sigurisë nënkuptonte që shumë aktivitete për gratë dhe vajzat nuk ishin ende të mundshme – ndërsa në deklaratën e fundit deklarata e fundit nuk i përmendin fare vajzat.
Ai tha se shkollat shtetërore dhe private në nivelin fillor dhe të mesëm, si dhe shkollat zyrtare fetare do të jenë të hapura duke filluar nga dita e shtuna.
“Të gjithë mësuesit dhe nxënësit meshkuj duhet të ndjekin shkollën,” thuhej në deklaratë.
Mësohet se ditën e djeshme, talebanët kanë mbyllur ministrinë në qeveri që ishte për çështjet e grave duke e zëvendësuar atë me një departament të njohur për zbatimin e doktrinës së rreptë fetare.
Disa postime janë shfaqur në Twitter gjatë 24 orëve të fundit duke treguar punëtore femra nga ministria që protestojnë jashtë ndërtesës, duke thënë se kishin humbur punën. Në fillim të kësaj jave, anëtarët e ekipit kombëtar të futbollit të grave në Afganistan arritën të arratiseshin në kufirin tokësor që kanë me Pakistanin. Sipas Ministrit të Informacionit të Pakistanit Faëad Chaudhry, lojtarët hynë në Pakistan përmes kalimit kufitar Torkham veriperëndimor duke mbajtur dokumente të vlefshme udhëtimi.
