Pas golit të parë të realizuar ndaj Maqedonisë, futbollisti shqiptar, Armando Sadiku ka pasur një tjetër arsye për të gëzuar këtë javë.
Ai ka martuar motrën e tij, ose siç e quan “princesha ime”… “Shumë urime princesha ime”, shkruan ai për motrën, Anën në foton e postuar në profilin e tij në “Instagram”.
Familja Sadiku festuan në Elbasan, aty ku dhe futbollisti i talentuar ka familjen. Ata kanë edhe një vëlla më të vogël, Sheri, që bashkë me kunatin e ndoqën Armandon në Francë gjatë kampionatit.
Armando është vëllai i madh i familjes Sadiku, e cila ka një marrëdhënie të fortë me futbollin, pasi edhe Sheri luan, ashtu si dhe i ati i tyre dikur, ndërsa mamaja dhe Ana, janë sigurisht tifozët e tyre më të zjarrtë.
