Camila Cabello i bëri të gjithë fansat e saj të dyshonin se ajo mund të ishte fejuar me Shawn Mendes për shkak të një videoje të publikuar në TikTok. Në video ajo shfaqet duke kërcyer me këngën e saj “Don’t go yet” dhe në dorën e majtë shihet se mban një unazë diamanti. Pikërisht ky detaj i bëri fansat të mendonin se ajo dhe Mendes e kishin çuar lidhjen e tyre në një tjetër nivel.
Mirëpo Camila ju ka dhënë fund këtyre dyshimeve teksa ishte e ftuar në “The Tonight Show starring Jimmy Fallon”.
“Ohh, ky është lajm? Jo, njerëz”, u shpreh ajo duke hedhur poshtë të gjitha aludimet.
“Ai nuk më ka propozuar dhe unë nuk jam e fejuar”, qartësoi më tej këngëtarja.
Cabello shpjegoi më tej se ajo nuk e mban mend se në cilën dorë mbahet unaza e fejesës dhe se ky ishte një gabim i madh.
“Ju betohem në Zot, nuk e di se në cilën dorë vendoset unaza e fejesës, kështu që ndonjëheë mund ta vendos në dorën e djathtë. Dua që të më ndriçoni, cila dorë është dora e fejesës? Sepse unë nuk e di. Prindërit e mi janë të martuar dhe të dy i kanë humbur unazat. Kështu që as nëna ime nuk mund të ma tregonte. Ajo mund të më shpëtonte nga kjo gjë, por ajo nuk mund ta bëj, sepse as ajo nuk e di”, u shpreh këngëtarja.
